Exercicio de clase 2 - "Ágora"

Esta actividade é voluntaria para os alumnos de Cultura Clásica de 3º ESO, as alumnas de Latín de 4º ESO-B e os alumnos de Latín e Grego de 1º Bac.



Avaliación: quen conteste correctamente ás cuestións plantexadas obterá en 3º ESO ata 1 punto, en 4º ata 0´5 p. e en 1º Bac. ata 0´3 p. para a nota da 1ª avaliación.


Prazo e entrega de respostas: O derradeiro día para entregar as vosas respostas será o venres 11 de decembro. Poderédelo facer a través dun comentario (picade en comentarios, ó final das cuestións, e lémbrade indicar o voso nome) ou ben nun folio.

1. O título da película é Ágora. ¿Que era unha ágora no mundo antigo?

2. ¿Como se chama o medo ós espacios abertos?

3. ¿Quen fundou Alexandría, a cidade onde está ambientada a peli?

4. ¿En que país actual está situada?

5. ¿Quen foi o emperador que convertíu o cristianismo en relixión oficial do imperio romano?

6. ¿En que ano?

7. ¿En que ano cae definitivamente o imperio romano?

8. Davo é o escravo favorito de Hipatia e nun determinado momento ela libérao. ¿Como se chaman os escravos liberados?

9. En Alexandría estaba unha das sete maravillas do mundo antigo, ¿cal era?

10.¿Cales son as outras seis?

11. De todas elas, ¿cal é a única que se mantén en pé?

12. ¿E cales foron declaradas, con moita polémica, como as sete maravillas do mundo actual?

13. Arriba tes un retrato imaxinario de Hipatia, detalle dunha pintura moi conocida dun autor italiano que está enterrado en Roma no Panteón e que lle deu nome a unha das “tartarugas ninja”. ¿Cal é o título da pintura e quen é o seu autor?

14. ¿Como se chama a teoría que di que todo xira arredor do sol?

15. ¿Cal é o nome do cono que aparece na peli?

16. ¿Cales son as datas do nacemento e da morte da protagonista ?

17. Na película vemos que a causa da morte de Hipatia produciuse por asfixia. ¿Cómo foi realmente, según as testemuñas antigas?

Exercicio de clase 1

Clarum oppidum Asiae Troia erat. Troiani oppidum incolebant atque cum graecis pugnabant, nam graeci Troiam obsidebant. Belli causa Priami filius est, nam pulchram Graeciae feminam raptat et secum vehit. Multi dei graecos iuvabant. Multi populi deique troianos quoque iuvabant. Graeci troianique varia fortuna in latis Troiae campis strenue pugnabant. Tandem graeci Troiam dolo expugnant atque praeclaram victoriam obtinent. Viros, feminas et pueros interficiunt aut capiunt. Oppidi tecta templaque ferro flammaque impie delent.

---------------------------------------



Aquí tedes unha imaxe e un texto referidos a un acontecemento moi coñecido do mundo antigo.



Debedes responder as seguintes cuestións:

1. ¿De que feito histórico trata o texto?

2. ¿Como se titula a obra de Homero que relata ese feito?

3. ¿De que cidade se fala?

4. ¿Que outro nome recibía esa cidade?

5. ¿A que heroe lle encargaron os deuses a fundación dunha nova cidade?

6. ¿Cal é a data exacta da fundación desa nova cidade?

7. ¿Quen foi o seu fundador?

8. ¿Cal é o título da obra de Virxilio que conta a súa historia?

9. ¿En qué etapa da historia de Roma se escribiu?

10. ¿Cal é a etapa da historia de Roma que máis durou?

11. ¿De que palabras do texto se derivan: feminino, doloso, pulchritude, filial, pueril, bélico, ferruxinoso, viril, indeleble?

12. ¿Que significan esas palabras latinas?

13. Analiza gramaticalmente e traduce as frases en vermello.

14. ¿En que casos poden estar campos, oppidi, ferro e populi?

15. ¿Poderías facer unha traducción do texto, grosso modo, a grandes rasgos?

Tedes que entregar as respostas correctas a través dun correo electrónico (indicade o voso nome para saber a quen pertenece) ou nun folio.





Calificación: podedes conseguir ata 1 punto para a nota da avaliación se contestades correctamente a todas as preguntas.

Alumnas 4º ESO 2009-2010

Ola!!

Somos as alumnas de 4ºB, Sonia, Raquel, Tania, Lucía, Andrea, Lucía, Laura, Andrea, Iria , Noa , Alba e Paula.
Este ano decidimos coller letras, porque as ciencias non nos gustan moito. Non sabíamos como sería a asignatura de Latín, por o que lle tiñamos algo de medo, pero a asignatura e máis fácil porque nos axuda moito o profesor.
Todo o mundo nos decía “declinacións, declinacións…” pero ahora dámonos conta de que o latín non só é eso, senón tamén cultura. Nós non nos arrepentimos de coller esta opción. Gústanos ó 100 %, non o 99.9 %. jajaja !!

Vale !! (Saúdo en latín)

"Ágora", unha peli didáctica

Como xa moitos sabedes o Departamento de Matemáticas organiza o próximo luns día 16 de novembro unha saída ó cine a Ourense, para ver Ágora, a tan comentada película de Alejandro Amenábar.

Posto que a temática ten que ver tamén coas nosas materias, ó estar ambientada no declive do Imperio Romano, os alumnos de clásicas poderán asistir a súa proxección.

Para ir entrando en ambiente, déixovos aquí unhas cantas cousas relacionadas coa peli.

O trailer oficial

O enlace á páxina oficial

Un enlace a un comentario da película

Un video sobre a morte de Hipatia, a protagonista, de Carl Sagan

E un video coa visión de Hipatia desde o punto de vista científico.

Espero que esta breve información vos sexa útil.

Abaixo podedes facer os comentarios que consideredes oportunos.

Alumnos 3º ESO 2009-2010

Somos Iago, Julen, Diego e Oscar, os alumnos de Cultura Clásica de 3º ESO-B.

Eliximos esta asignatura porque nos pareceu interesante, sobre todo a mitoloxía e outras cousas do mundo grecorromano. Alguns non sabiamos moi ben onde nos metiamos, pero a estas alturas descubrimos xa que parece fácil e aprendemos cousas curiosas sobre as orixes da nosa cultura.

Esperamos aprender disfrutando como ata agora.

SAUDOS A TODOS E PARA O ANO QUE BEN APUNTÁDEVOS.

Alumnas/o 2º Bacharelato 2009-2010

Salve!!

Somos Andreea, Sandra, María, Tamara e Josema, os alumnos de Latín de 2º de Bach.

Comezamos a estudar Latín por razóns varias: a algúns non se nos daban ben as matemáticas, outros estabamos interesados nas culturas antigas e outros necesitabámolo para estudos posteriores... Pero hoxe en día estamos todos nesta clase porque aprendemos a apreciar antigas culturas e os profesores tanto o de este ano como a do ano pasado souberon influirnos positivamente e aprendéronnos a valorar ditas culturas.

Sapere aude.

Alumnos 1º Bacharelato 2009-2010

Somos José Luis e Miguel, os dous alumnos de 1º bacharelato de latin e grego, asignaturas polas que nos sentimos atraídos e que nos parecen moi interesantes. Pero non podemos esquecer que ó principio collímolas para non ter matemáticas, asignatura que se nos da bastante mal. Logo descubrimos que realmente nos gustaban estas dúas asignaturas. Os temas que máis nos atraen son os de cultura, porque nos interesa saber como era a vida dos nosos antepasados na sociedade romana e grega.

E xa para rematar animamos a todos os alumnos interesados a elixir Latín e Grego.

Un saúdo para todos os visitantes.

Presentación

Aínda que con algo de retraso, dámosvos desde aquí a benvida a tod@s @s que estades matriculad@s nas asignaturas de clásicas neste curso 2009-2010.

Este blog nace coa intención de ser un medio de comunicación máis para os alumnos de clásicas (e non só de clasicas) do IES San Mamede - Maceda. Pretende ser tamén un complemento e un apoio das nosas clases, que nos permita saír da rutina tradicional e nos familiarice coas novas tecnoloxías. É sobretodo un blog dos alumnos, creado para vós, e, por tanto, tedes que ser vós os que lle vaiades dando forma.

Nel terán cabida todos aqueles temas do mundo clásico que teñan que ver co desenvolvemento das nosas materias.

O nome deste blog, Νihil satis (Μηδὲν ἄγαν), "nada en exceso", responde a unha das máximas, xunto co Νosce te ipsum (Γνῶθι σεαυτόν), "coñécete a ti mesmo", que conformaban o ideal de vida dos antigos gregos e que se atopaban gravadas no santuario de Delfos.